O Instituto Municipal de Promoción Económica, Formación e Emprego, IMPEFE, entidade socia da rede estatal foi o anfitrión e o encargado de organizar unha axenda completa ao redor da intelixencia artificial e a participación cidadá.  
A axenda da mañá permitiu debater tamén sobre a participación cidadá nunha dinámica de traballo dirixida polo responsable da área de Participación do Concello de Ciudad Real, César Bernal, e o xerente da Rede Kaleidos, Jorge Ramón Sobrón.

Intelixencia artificial para o desenvolvemento local

“A axenda urbana ten unha importancia especial á hora de deixar atrás axendas curtopracistas e planificar cidades e concellos no medio prazo, con proxectos que superen un único mandato e, no noso caso, que transformen Compostela a dez anos vista” asegurou Goretti Sanmartín no inicio da súa intervención.

A concelleira de Dereitos e Servizos Sociais, Promoción Económica e Xuventude, María Rozas, visitou este venres a tenda de roupa Mimolett, que este mes de outubro centra a campaña ’12 comercios, 12 sensibilidades' para darlle visibilidade ao traballo da Fundación Andrea. 
A tenda Mimolet mantén durante este mes un punto informativo sobre a Fundación Andrea, no que tamén se poderán adquirir produtos solidarios en favor da entidade. A proposta complétase con actividades para o público familiar e sorteos.

Os Premios á Excelencia Empresarial nacen co fin de premiar ás empresas que se distinguen polas súas boas prácticas no eido da conciliación, economía circular, aplicación da innovación e ciencia no modelo de negocio, a comercialización de produtos e servizos culturais, o cumprimento dos Obxectivos de Desenvolvemento Sostible da Axenda Urbana 2030, o desenvolvemento da economía social e a retención do talento. Cada categoría contará cun premio por importe de 6.000 euros, e haberá ademais tres mencións especiais por importe de 2.000 euros cada unha delas. 

A alcaldesa, Goretti Sanmartín, foi a encargada de clausurar o acto. Na súa intervención, a rexedora comparou o cooperativismo coa unión de pequenos fíos que se van facendo fortes e van creando rede. “Esa é unha das maneiras que temos de traballar, horizontal, unha maneira en que todas as persoas teñen os mesmos dereitos e as mesas capacidades, unha maneira de traballar diferente”, manifestou a rexedora. 

Na súa intervención no acto de inauguración de “Artesanamente”, a alcaldesa enmarcou o impulso deste mercado desde o Concello “na aposta por un novo modelo máis sustentable, que conecte os mundos rural e urbano, que mostre que se pode vivir máis lento, e que é posible un turismo diferente que afonde na nosa identidade”. Para Goretti Sanmartín, “esta é a maior transformación social que debemos impulsar, unha transformación que tamén tén que ver coa igualdade porque moitas das marcas presentes no mercado son iniciativas de traballo feminino”.

A proposta de ordenanza recolle que o aumento do Imposto de Bens Inmobles (IBI) que o Concello aplicará ás vivendas baleiras afectará unicamente “a aquelas que levan máis de dous anos desocupadas sen causa xustificada e que pertencen a propietarios con catro ou máis inmobles”. Esta medida, como explicou o concelleiro de Urbanismo e Vivenda, Iago Lestegás, “está encamiñada a mobilizar o parque de vivendas existente".

A tenenta de alcaldesa salientou a importancia de impulsar iniciativas coma “Artesanamente” nun momento no que “o talento local e o comercio de proximidade se enfrontan a grandes dificultades por cuestións como a competencia da venda on line, as grandes superficies ou a fast fashion e a fast food”. Con este mercado, explicou Mría Rozas, “promovemos todo o contrario: a creatividade, a diversidade, os oficios tradicionais e a identidade propia, pero tamén a diversificación económica e o impacto que o sector da artesanía pode ter na economía de Galicia e de Santiago”

As accións formativas fan parte do programa “Faino en Santiago”, que impulsa a Concellaría de Dereitos e Servizos Sociais, Promoción Económica e Xuventude co obxectivo de mellorar o grao de coñecemento e actualizar as materias útiles para os procesos de xestión empresarial e laboral do tecido empresarial de Compostela. As actividades están especialmente dirixidas ao persoal directivo, de xerencia, propietarias e persoal laboral de empresas que teñan a súa sede e un centro de actividade no Concello de Santiago. Poderán participar tanto persoas en activo como en situación de desemprego.

Este é o segundo ano que se leva a cabo a iniciativa 12 comercios, 12 sensibilidades. Con ela, traballamos na visibilidade de entidades solidarias ao tempo que impulsamos o fluxo de persoas entre pequenos establecementos composteláns do comercio local. O programa conta coa colaboración da Concellaría de Dereitos e Servizos Sociais, Promoción Económica e Xuventude.