A colaboración, a descentralización, as sinerxias e a desestacionalización son ineludibles se queremos aspirar á excelencia cultural

Este martes, o Cersia Empresa acolleu a segunda xornada participativa do proceso de codeseño do Plan de Acción para a Economía Social nos Barrios de Compostela, unha iniciativa impulsada polo Concello de Santiago co obxectivo de construír unha folla de ruta compartida para o fortalecemento da economía social na cidade.

A concelleira de Dereitos e Servizos Sociais, Promoción Económica e Xuventude reivindicou hoxe “un modelo económico máis sostible e máis xusto socialmente”. Foi no acto de apertura do programa “Faino en Santiago”, impulsado polo departamento de Promoción Económica para acompañar a persoas emprendedoras no desenvolvemento das súas iniciativas empresariais. María Rozas mostrouse convencida de que “desde o local e desde os pequenos proxectos tamén se poden facer grandes achegas para termos un mundo mellor”.

O edificio Cersia de San Lázaro acollerá a próxima semana as xornadas presenciais do programa “Faino en Santiago”, unha iniciativa do departamento municipal de Promoción Económica que ten como obxectivo construír unha economía máis próxima e xusta a través do apoio a proxectos que sexan sostibles económica, social e ambientalmente. A actividade, que será de balde, pretende ser un espazo de encontro, formación e inspiración para as persoas que queiran emprender.

Compostela é unha gran catedral de coñecemento que debe asentarse sobre a pedra angular da innovación.

Dar a coñecer o potencial innovador da cidade tomando conciencia de todo o que podemos facer se nos xuntamos. Ese é o gran reto dunha urbe á que lle custa recoñecer todo o bo que fai, que é moito. Boa proba diso son as entidades representadas neste foro.

Equilibrar os desaxustes entre a oferta e a demanda de emprego. Este é o gran reto dun mercado laboral que debe adaptarse aos novos tempos e á cambiante composición demográfica da poboación.

Esta mañá celebrouse no CERSIA o terceiro dos grandes foros que Promoción Económica está a coordinar para mapear a realidade da nosa contorna. Nel, empresas de xestión de talento, empresas de traballo temporal, universidade e entidades de contratación do terceiro sector déronse cita para radiografiar o empelo local, os salarios e a relación do binomio formación-cupación.

A alcaldesa de Santiago, Goretti Sanmartín, acompañada da tenenta de alcaldesa e concelleira de Promoción Económica, María Rozas, participou este xoves na presentación da memoria de actividades da Cámara de Comercio de Santiago. Na súa intervención, destacou o labor que fai a Cámara de Comercio de Santiago e comarca con respecto ao tecido e o desenvolvemento económico de Compostela e a súa contorna. “A Cámara revélase como unha panca importantísima para que as nosas empresas alcancen os niveis de competitividade que require o contexto actual, cada vez máis globalizado”, enfatizou.

“Son do comercio, a moita honra”. Esta é a frase que mellor podería resumir as dúas horas de intervencións que algúns dos axentes do comercio local compartiron esta mañá no @cersiaempresa da man de Promoción Económica. 

A Maker Faire Galicia, un evento de referencia de innovación, creatividade e tecnoloxía, celebrará a súa XI edición mantendo o formato que estreou o ano pasado, con tres xornadas temáticas en diferentes espazos da cidade. A primeira das citas será o próximo sábado, cun programa dedicado ao emprendemento e a innovación social que se celebrará en Área Central e que inclúe numerosas actividades para toda a familia.

O Concello de Santiago, a través do departamento de Promoción Económica, pón en marcha un programa municipal que ten como obxectivo construír unha economía máis próxima e xusta a través do apoio a proxectos que sexan sostibles económica, social e ambientalmente. Trátase de “Faino en Santiago”, unha iniciativa que, tal e como explicou a concelleira María Rozas, “nace para acompañar ás persoas que queiran emprender, a través de pequenas empresas que integren a sustentabilidade no seu modelo de negocio, axudándolles a construír un proxecto viable e duradeiro no tempo”.