O alcalde de Santiago, Xosé S. Bugallo, acompañado por Marcos Saavedra, director da feira; Ana Sánchez, directora de APD Noroeste; e Ana Isabel Vázquez Reboredo, directora-xerente da Cidade da Cultura, presentou esta mañá no Pazo de Raxoi a 8ª edición da Maker Faire Galicia, o evento deste tipo máis grande da península, que tras dous anos en formato 100% en liña debido á pandemia, retoma con forza a presencialidade.
Xa está aberto o prazo de inscrición para as primeiras xornadas sobre Innovación en Bosques Urbanos que terán lugar en Santiago os vindeiros 19 e 20 de maio. O Concello de Santiago pretende con este evento continuar a senda iniciada pola campaña do Carballo do Bosque do Banquete de Conxo, nomeado Árbore do Ano en España 2022, en prol do patrimonio natural da cidade.
O alcalde, Xosé Sánchez Bugallo, e os co-directores executivos do proxecto, María Cadaval e Santiago Lago, deron hoxe a coñecer a nova fase do proceso de elaboración da Axenda Urbana 2030, coa que se inicia un período propositivo aberto a todas as persoas interesadas en participar. Desde hoxe toda a cidadanía poderá facer chegar as súas propostas, opinións ou suxerencias a través da plataforma web e colaborar así na creación deste documento estratéxico para o futuro da cidade.
O alcalde de Santiago, Xosé Sánchez Bugallo, e o presidente da Câmara Municipal de Braga, Ricardo Rio, asinaron esta mañá un convenio de irmandamento entre as dúas cidades co fin de fortalecer as relacións económicas, turísticas e culturais. No mesmo acto, os dous mandatarios realizaron unha declaración de cooperación entre Braga e Santiago, atendendo ás afinidades que as unen.
Xornada de presentación da licitación para o desenvolvemento e adquisición de solucións innovadoras con UAVs do Polo Aeroespacial de Galicia
Venres, 13 de maio
Sede da Axencia Galega de Innovación
Este domingo 8 de maio darase inicio a unha serie de actos no marco da sinatura do Protocolo de Irmandamento entre as cidades de Santiago e de Braga que terá lugar o próximo luns no Pazo de Raxoi. O documento, que será asinado polo alcalde de Santiago, Xosé Sánchez Bugallo, e o presidente da Câmara Municipal de Braga, Ricardo Río, pretende fortalecer as relacións económicas, turísticas e culturais entre as dúas cidades.
Este ano na Maker Faire Galicia levamos a cabo a terceira edición da Game Maker Jam, un evento que ano a ano vaise superando, aumentando no número de participantes e na calidade dos videoxogos presentados. Quizais a estas alturas non sexa necesario explicar que é unha Game Jam, pero por se es novo/a neste mundo contámoscho..
Ata o 11 de maio está aberta a convocatoria de colaboradoras/es destinada a conformar comunidades de aprendizaxe e creación artística e colaborar nas cinco ideas preseleccionadas dun total de trinta proxectos. Producido polo Auditorio de Galicia e deseñado por 7H Cooperativa Cultural, esta iniciativa reivindica a importancia da cultura para fomentar vínculos comunitarios.
O estudo, realizado polo catedrático Fernando González Laxe e o profesor portugués Adriano Fidalgo de Sousa, realiza unha análise da conxuntura económica, demográfica e do comportamento poboacional das cidades de Galicia e do norte de Portugal en 2021. A publicación foi presentada esta mañá nun acto que contou coa intervención do alcalde de Santiago, Xosé Sánchez Bugallo.
O Pleno da Corporación celebrou este sábado 23 de abril o debate do estado do municipio, que volveu á presencialidade logo de que o ano pasado a pandemia obrigase a facelo de forma telemática. O rexedor compostelán, Xosé Sánchez Bugallo, fixo un repaso á xestión municipal ao longo de 2021 e reafirmouse nos retos marcados para o 2022, a pesar "desta crise, que nos está obrigando a reestruturar a nosa orde de prioridades", pero que "non altera os obxectivos fundamentais que tiñamos marcados". Entre eles, a posta en marcha dunha Oficina de atención ao usuario para facilitar a tramitación electrónica, a remodelación de espazos urbanos deteriorados como o eixo Porta do Camiño-praza de Galicia; ou continuar avanzando nos documentos que marcarán a folla de ruta a seguir pola cidade: a Axenda 2030 e o plan Compostela 2021-2032 nacido no seo do Real Padroado.