O uso de algoritmos e ferramentas de predición que permiten determinar o éxito dun candidato transformará a maneira na que as empresas rastrexan talento, e converterase nun factor que impactará en como teremos que buscar emprego a partir de agora. Os robots rastrexadores saberán como somos e que facemos nas redes sociais e ofrecerannos postos aínda que non busquemos traballo. 

Nos últimos anos producíronse grandes cambios no campo. As novas tecnoloxías están a irromper neste sector, que hoxe en día é un dos máis innovadores e non só en maquinaria e tractores. O campo experimentou unha importante evolución noutras áreas como a trazabilidade, seguridade e calidade alimentaria, exportacións, vendas por Internet... e profesionalizouse. 

A maior parte dos expertos coinciden en describir aos millennials como a xeración nada entre 1980 e mediados dos 90. O estudo “Where millennial end and post millennial begin” elaborado polo Pew Research Institute sostén que este grupo de poboación ten en común vivir de forma consciente feitos históricos como os ataques do 11- S ou a guerra de Afganistán e, doutra banda, a gran revolución tecnolóxica que se produciu ao longo da súa vida, con exemplos como o uso masivo do Wifi ou as redes sociais, e a inestabilidade laboral que se atoparon ao incorporarse ao mercado en plena crise económica. 

A cerdeira brava (Prunus avium) é unha especie caducifolia que adoita atoparse en Galicia como árbore acompañante en carballeiras, fragas e bosques de ribeira. A súa presenza habitual é en forma illada ou en pequenas mouteiras, preferentemente en zonas frescas e sombrías. É unha árbore produtora de madeira nobre e cun crecemento medio. Para o seu uso en plantacións forestais, recoméndase empregar clons con calidade demostrada, preferentemente de orixe autóctona, de xeito que estean adaptados ó solo e ó clima.

A Axencia Espacial Europea adxudicou a Atos a xestión dos Servizos de Acceso a Información e Datos de Copernicus (DIAS), o programa de observación da Terra máis importante do mundo, cuxo obxectivo é facilitar o acceso aos datos dos satélites de observación. Os novos servizos ofrecerán información nova e única recompilada a partir de datos xeográficos en tempo real combinados con outras fontes de datos procedentes de diferentes sectores como industria, seguridade, seguros, servizos públicos, agricultura e servizos de emerxencia.

As subscricións dixitais de noticias están a gañar presenza no mercado e seguirano facendo en 2018, segundo o informe Predicións TMT publicado hoxe por Deloitte. A finais de 2018, o 50% dos adultos nos países desenvolvidos terán polo menos dúas subscricións a medios exclusivamente en liña; para 2020, esta media duplicarase ata catro. Estas subscricións aumentaron a súa viabilidade grazas á evolución dos dispositivos conectados e o incremento constante das velocidades de banda ancha. 

A venda de alimentación online dispararase durante o próximos tres anos, pasando de aglutinar unha cota apenas superior ao 1% na actualidade para alcanzar entre o 4% e o 6% da facturación total do sector, segundo un informe elaborado por Oliver Wyman. A consultora sinala ademais que este forte crecemento poñerá en risco a pervivencia do 15% das tendas físicas en 2020. 

A Cámara de Comercio, Industria, Servizos e Navegación de Santiago de Compostela presenta o calendario de accións de internacionalización para 2018, incluídas no Plan de Fomento das Exportacións Galegas (FOEXGA), patrocinado polo Igape co obxecto de fomentar as exportacións das empresas galegas.

Algunhas organizacións están a utilizar a tecnoloxía blockchain para reducir o custo das remesas transferidas internacionalmente polos traballadores migrantes, que suman ao redor de $ 440 mil millóns anuais, case tres veces a cantidade de axuda internacional que se brinda aos países en desenvolvemento cada ano. Actualmente estímase que polo menos $ 32 mil millóns en remesas non chegan aos destinatarios, debido ás altas tarifas de transacción asociadas co envío e recepción de diñeiro a nivel internacional.

O Código de boas prácticas nas sociedades cooperativas galegas, elaborado polo Centro de Estudos Cooperativos co apoio da Xunta de Galicia, e que foi aprobado polo Consello Galego de Cooperativas, é un instrumento co que se pretende dar resposta a estas novas necesidades, a través da enunciación dunha serie de principios e regras que pretenden ser aplicables tanto no ámbito das relacións internas das sociedades cooperativas como nas súas relacións con terceiros. Así, este código ten por obxectivo principal a procura dun comportamento transparente, honesto e responsable da cooperativa e os seus membros no seu ámbito de actuación, a busca dun impacto positivo daquela dentro da comunidade e a demanda de reflectir unha imaxe de confianza e mellora da súa reputación, propiciando deste xeito unha vantaxe competitiva e a mellora dos seus resultados.